Рецептот е многу едноставен, и ако сакате да ја забрзате подготовката, можете да подготвите одредени елементи од јадењето однапред. Предлагаме сармите да ги послужите со варен компир зачинет со малку маслиново масло и магдонос. Рецептот е без глутен. Наведените количини се за 4 порции.
Состојки:
- 12-14 листови кељ со средна големина
- 170 гр хељда
- 1 црвен кромид
- 2 помали моркови
- 2 чешниња лук
- 2 лажици маслиново масло+ 2 лажици
- 150 ml вода и повеќе по потреба
- 50мл црвено вино
- ½ лажички сол
- 1 лажица соја сос
- 1 лажица црвен пипер
- ловоров лист
Подготовка:
Во големо тенџере, загрејте ја водата до вриење, а потоа додадете сол и лисја од кељ, натопете ги и варете ги околу 3 минути да омекнат. По готвењето, веднаш извадете ги во сад со ладна вода, потоа исцедете ги и оставете ги настрана додека го подготвувате филот.
Исплакнете ја хељдата и ставете ја да се готви во тенџере со двојно повеќе вода. Кога водата ќе зоврие, намалете ја топлината, додадете сол и продолжете да готвите 5 минути.
Загрејте го маслиновото масло во тава за пржење, а потоа додадете ситно исечен кромид, морков, лук и зачини и оставете го да врие, мешајќи, неколку минути. Додадете вино, и вода, додајте хељда и варете на тивок оган уште 15 минути, мешајќи, додавајќи повеќе вода доколку е потребно.
Загрејте ја рерната на 180 степени и премачкајте мал сад за печење (околу 30 × 30 см) со маслиново масло.
Земете поголема даска, потоа раширете го и израмнете го листот од кељ, и исечете го долниот дел од стеблото (за да не ви пречи да ги завиткате). Ставете полна лажица фил на долниот дел од листот на средина, па преклопете го на левата и десната страна и завиткајте го, па ставете го во сад за печење. Продолжете исто со преостанатите лисја, редејќи ги еден до друг.
Печете 15 минути на 180 степени, а потоа кон крајот, вклучете ја опцијата за печење одозгора, така што сармата ќе добие малку боја. Послужете со варен компир зачинет со маслиново масло и магдонос.
Пријатно!