На сите добро ни се познати обичните крофни, но ретко кој слушнал за таканаречените пијани крофни. Прекрасни крофнички кои за брзо време се готови!
Тоа име го добиле затоа што една од најважните состојки е ракијата, а се додаваат и некои други намирници кои никогаш не би ви текнало да ги внесете во смесата за крофни.
Погледнете го рецептот и започнете со подготовка!
Состојки:
- 300 гр брашно
- 100 g густин
- 100 гр шеќер
- 2 јаболка
- 2 јајца
- 400 мл јогурт
- 50 мл ракија
- 1 лимон
- 100 гр шеќер во прав
- 2 кесички ванилин шеќер
- 1 прашок за пециво
- 1 портокал
Подготовка:
Во поголем сад изматете ги јајцата. Со непрекинато мешање (со вилушка) додадете јогурт и шеќер.
Јаболките излупете ги и изрендајте ги на крупно ренде, па додадете го во садот. Во истиот сад додадете ванилин шеќер и крупно изрендана кора од лимон и портокал. Додадете ракија, брашно, густин и прашок за пециво. Мешајте додека не се соединат состојките.
Оставете го тестото да отстои 15 минути.
Со подмачкана лажица со масло вадете од тестото и формирајте крофни, па пржете ги во тавче во поголема количина масло.
Готовите крофни ставете ги на салфетка за да се впие вишокот маснотии.
Пријатен апетит!
