Докажан рецепт за највкусна зимница.
Состојки:
- зелени домати
- корнишони
- моркови
- карфиол
- пиперки
- 4 глави лук
- 3 корени рен
- 1 целер
- 20 гр семе од синап
- 400 гр сол
- 10 л вода
- лозови гранчиња
Подготовка:
Количината на зеленчук не е одредена, и можете да ја користите во количини во зависност од големината на вашето буре и кој зеленчук го претпочитате. Изберете здрав зеленчук, исчистете го и добро измијте.
Искинете го карфиолот на големи парчиња, прободете ги доматите со вилушка на 2-3 места, а пиперките исечете ги на крст одозгора. Одделете ги чешнињата лук, но не ги лупете.
Наредете го зеленчукот во буре со додавање на малку од сите видови. Посипете со семе од синап одозгора и покријте ги со целерот. Подгответе саламура, тоа е најважниот детал во подготовката – измешајте 10 литри вода и 400 гр сол во сад и промешајте за целосно да се раствори. Истурете ја смесата врз зеленчукот за добро да го покриете зеленчукот.
Направете обрач од гранчиња од лоза и ставете го над зеленчукот за да го притиснете кога ќе го затворите капакот. Оставете ја киселата зимница 3 дена и не отворајте. По 3 дена, претурете ја течноста еднаш дневно, додека зимницата не е подготвена за употреба. Готово е за околу 2 недели.
После тоа време, растворете го калиумовиот сорбат (конзерванс) за зимницата во малку течност од зимницата, 1 g сорбат оди на 1 литар вода.
