Научете да правите домашен бурек. Вака подготвен ќе биде подобар и повкусен од оној што се продава во пекара.
Сè што треба да направите е внимателно да ги следите нашите упатства.
Состојки:
- 1/2 кг кори
- 1/2 кг ситно сирење
- 3 јајца
- 250 мл вода
- 125 мл масло
- сол по потреба (ако сирењето не е солено)
- 100 мл јогурт
- 100 грама кашкавал
Подготовка:
Во сад подгответе мешавина од масло, сол и вода. Оваа смеса треба да се меша секој пат пред да се попрскаат корите за да не се одвои маслото одозгора. Намачкајте со масло тркалезна тава со пречник од 26 см и ставете 2 кори така што краевите да поминат по рабовите на тавата, односно да висат од страните, па попрскајте со мешавина од масло и вода.
Се земаат по 3 кори и се ставаат во тавата една врз друга, стуткајќи ги за да се сместат во плехот, а врз третата се става смесата со сирење, јајца и јогурт. Сето тоа повторете го со останатите кори, освен последните 3.
Првата од последните три ставете ја во тавче и попрскајте со масло. Се става претпоследната кора и се попрскува со масло и се става изрендан кашкавалот. Последната кора испрскајте ја со мешавина од вода и масло. Поминете ги краевите кои висат над последната кора да се затвори бурекот и посипете ги со течност.
Бурекот се пече во рерна загреана на 180 Целзиусови степени додека не порумени. Послужете со чаша јогурт и уживајте во прекрасниот вкус на домашен бурек.
Пријатно!
