Повеќето луѓе сакаат добра плескавица, но не секогаш мора да биде со месо, пробајте го овој начин.
Состојки:
- 2 округли лебчиња за бургери
- 2 листа од зелена салата
- 1 домат
- 60 гр црвена зелка
- 250 гр компири
- 200 гр тиквички
- 1 јајце
- 50 гр трошки од леб
- 1 лажица власец
- 1 лажица рендан пармезан
- црн пипер, сол
- 4 лажици масло за пржење
За намаз:
- 100 гр крем сирење
Подготовка:
Сварете го компирот со лушпа, оставете го да се олади, а потоа изрендајте го. Изрендајте ги тиквичките, додадете малку сол и оставете ги да отстојат. По пет минути, исцедете го вишокот течност со рацете. Ставете јајце, пармезан во сад и промешајте.
Соединете ги тиквичките, компирот, власец, сол и посипете ги со мелен пипер. Добро промешајте ја смесата, додадете трошки од леб ако е потребно, а потоа обликувајте плескавици.
Подмачкајте тава со подебело дно колку да го покриете дното со масло и загревајте на средна топлина. Печете ги плескавиците од едната страна две минути, свртете на другата страна и печете приближно исто време. Подгответе го намазот со премачкување на лебчињата кои се исечени на пола како за бургер ставете парче домат, а потоа плескавица, парче зелена салата и рендана црвена зелка.
Добар апетит!
