Супер ужинка, или мезе кога имате друштво. Овие брускети се одлични за секоја пригода.
Состојки:
- 100 гр. омекнат путер
- 3 глави лук
- 2 супени лажици маслиново масло
- 400 гр лепче на парчиња
- 2 лажици сечкан магдонос
- 200 гр. рендан кашкавал
- прстофат сол
Подготовка:
Од лукот излупете го првиот слој и исечете го горниот дел како да го сечете капакот. Ставете го во тавче на фолија и наросете го со маслиново масло.Печете во загреана рерна на 200 степени половина час.
- Advertisement -
Кашкавалот се ренда, се додава путерот, сечканиот магдонос и малку сол. Лукот кога ќе се олади се цеди и се пасира и се додава во смесата. Сето тоа се меша.
Потоа намачкајте ги парчињата леб и печете ги во рерна на највисока температура на 250 степени 4 минути. Можете да го јадете како појадок, вечера или да го исечете на коцки и збогатете го со парче домат и прстен варено јајце и направете брускети Послужете топли или ладни.
Пријатно!
