Брзиот ручек од печен карфиол и прокељ со сушено овошје се подготвува за не повеќе од 25 минути и е многу вкусен и здрав оброк.
Состојки:
- 300 гр прокељ
- 1 глава карфиол
- 100 гр суво грозје (може и брусница)
- маслиново масло
- Оцет
- 100 гр бадеми (може да бидат и ореви)
- 150 гр Пармезан
- лута сушена пиперка
- бибер
- сол
Подготовка:
Прокељот исчистете го, по потреба и листовите, измијте ги и ако се преголеми пресечете ги на половина или помали.
Карфиолот искршете го на цветови, а поголемите исечете ги на 2-3 дела. Заедно со прокељот се става во сад, се прелива со маслиново масло, сол, бибер и се додава лута сушена пиперка. Се убаво измешајте, префрлете го во плех обложен со хартија и печете во загреана рерна (загрејте на 200, па намалете на 180 степени) околу 20-25 минути.
Во меѓувреме, прелијте го сувото грозје (или брусница) со вода и оцет. Ставете во микробранова печка 2 минути, а можете да оставите и да зоврие во тава и да ја впие течноста.
Кога зеленчукот е готов, префрлете го во сад, прелијте го со натопеното овошје, убаво измешајте, додадете една шака сечкани бадеми, ореви и на крај пармезан рендан.
Пријатно!