Торта без шеќер, без маргарин, без печење? Звучи како невозможна мисија, но не е! Вкусот навистина ќе ве воодушеви, но и брзината на подготовка!
Идеално за изненадувачки гости!
Состојки за основата:
- 250 гр мелени бисквити
- 5 лажици ореви
- 60 гр путер што можете да ги замените со сок од портокал
- 100 мл млеко
Измешајте ги мелените бисквити и ореви, па додадете путер, измешајте и додадете го млекото, комбинирајте и наредете го на дното на калапот.
Состојки за фил:
- 800 мл слатка павлака
- 1 зацврстувач за шлаг
- 250 гр сирење маскарпоне
- 200 гр кисела павлака
- 200 гр желе бонбони
- 125 гр наполитанки со лешници
- 200 мл крем шлаг за украсување
Подготовка:
Слатката павлака изматете ја со зацврстувачот, и во друг сад измешајте ги сирењето и павлаката, па полека комбинирајте ги со слатката павлака и поделете ги на 2 дела.
Во едниот дел ставете 200 грама сецкани желе бонбони, а во другиот блендирани наполитанки.
Прво ставете го делот со наполитанки на основата, израмнете го и ставете го во замрзнувач 30 минути.
Извадете го и ставете го другиот дел со бонбоните, порамнете го и повторно ставете го во замрзнувач 30 минути. На крај ставете шлаг и украсете ја тортата по желба.
