Направете ги овие прекрасни пувкави лешиња кои потсетуваат на меки и нежни облачиња.
Состојки:
- 480 гр брашно,
- 220 гр павлака,
- 200 мл вода,
- 1 кесичка прашок за пециво (10 гр.),
- 1 лажичка сол,
- 1 лажичка масло.
За премачкување:
- 100 гр растопен путер,
- прстофат ситно сечкан магдонос.
Подготовка:
Павлаката, водата и солта се мешаат со маталка, па се додаваат брашното и прашокот за пециво. Тестото се замесува со рака, кое е малку лепливо.
Замесеното тесто прелијте го со една лажичка масло, па месете уште малку за маслото да се распореди насекаде.
На работната површина, како и на тестото посипете малку брашно и тестото поделете го на два дела. Расукајте го секој дел по малку, па исечете го на 5 еднакви дела, за да има вкупно 10. Од секој нов дел обликувајте топче. Наредете ги топчињата во чинија посипана со брашно и покријте ги за да не се исуши тестото. Оставете малку да отстои.
На работната површина повторно посипете го брашното и секое топче расукајте го на дијаметар од 10-12 см. Потоа се пече во тавче од двете страни по неколку минути додека не добие убава боја и убаво да нарасне.
Измешајте ги сечканиот магдонос и стопениот путер, а потоа исчеткајте ја секоја испечена лепиња. Најдобро е да ги јадете додека се топли!
Можете да ги јадете без прелив, но со прелив од путер тие се сто пати повкусни!
Во продолжение погледнете го видеото за подготовка на овие лепиња.
Пријатен апетит!