Брзи печива со сирење – затоа што брзо се прават, но уште побрзо исчезнуваат.
Кога ќе ги извадите од рерна толку топли, голема е веројатноста половина од тавата сами да ја смачкате. Однадвор се прекрасно крцкави, а внатре шупливи и меки. За љубителите на грицки со свежо сирење, со еден збор фантазија!
За да го замесите тестото нема да ви требаат повеќе од десет минути, единствена „болка“ е да почекате еден час тестото да отстои во фрижидер. Ако повеќе ви одговара, можете да го замесите тестото навечер, а да ги испечете наутро. Колку подолго тестото остане ладно, толку подобро.
Состојки:
- 500 гр свежо сирење
- 250 гр маргарин
- 2-3 лажички сол (во зависност од соленоста на сирењето)
- 450 гр меко брашно
- 1 прашок за пециво
Повеќе:
- 1 јајце за премачкување
- сусам за посипување
Подготовка:
Во поголем пластичен сад се додаваат сирењето, маргаринот на собна температура исечкан на коцки и сето убаво се меша со вилушка да се соедини.
Додадете брашно и прашок за пециво, па со рака замесете мазно тесто. Тестото ќе биде прилично меко и малку лепливо, но не додавајте повеќе брашно, така треба да биде. Само се замесува кратко за да се соедини во компактно тесто, бидејќи колку подолго месите, толку тестото ќе стане полепливо. Покријте го со проѕирна фолија и ставете го во фрижидер еден час.
Работната површина набрашнете ја и изладеното тесто истресете го. Расукајте со сукало до дебелина од околу 1 cm и исечете ги баровите со саканата големина. Можат да бидат и колачи. Наредете ги во голем плех обложен со хартија за печење.
Премачкајте ги со изматено јајце, посипете ги со сусам и печете во загреана рерна на 200 степени, 20-25 минути, додека убаво не поруменат. Веднаш потоа побрзајте на јадење бидејќи топли се најдобри!
Пријатно!
