Единствена негативна страна на крофните е пржењето на масло, а со овој рецепт го избегнавме и тоа. Крофните печени во рерна се сочни и погодни за полнење
Крофните по овој рецепт се големи и меки, внатре шупливи и многу погодни за полнење. Најдобро е што се печат во рерна, па избегнувате да ги пржите во масло.
Состојки:
- 40 гр свеж квасец
- 900 гр остро брашно + околу 100 гр меко брашно за месење и обликување,
- 4 цели јајца
- 300 мл јогурт
- 200 мл вода
- 150 гр шеќер + околу 150 гр за валкање на крофните,
- 150 гр маргарин + 100 гр за премачкување.
Подготовка:
Растворете го квасецот во млака вода и додадете една лажица шеќер. Во садот истурете ги брашното, јогуртот, јајцата, остатокот од шеќерот, растопениот маргарин и квасецот кој е оставен неколку минути.
Тестото соединете го со миксер за да биде меко и лепливо. Направете го убаво и еднакво па оставете го да отстои еден час, за да се удвои во големина.
Кога тестото ќе нарасне, работната површина посипете ја со меко брашно, истресете го тестото и месете нежно и полека. Површината и тестото повторно посипете ги со брашно и расукајте ги со сукало до дебелина од 1 – 1,5 см.
Извадете ги крофните со чаша и ставете ги во плех што сте го премачкале со маргарин. Погрижете се да оставите простор помеѓу крофните бидејќи многу ќе нараснат, а поради тоа сигурно нема да ви стигне еден плех.
Првиот плех со крофни оставете го да отстои 15 минути, па вклучете ја рерната да се загрее на 180 степени. Кога рерната ќе се загрее и крофните ќе се удвојат во големина, оставете ги да се печат додека не добијат светло кафена боја. Додека се печат, растопете го остатокот од маргаринот и веднаш штом ќе ги извадите од рерна, веднаш премачкајте ги крофните и валкајте ги во шеќер, или мешавина од шеќер и цимет.
Уживајте!
