Ова е вистинскиот избор за брзинско благо. Мерките се точни до грам. Овој рецепт е со ореви, но и со лешници, исто толку е убав.
Состојки:
- 200 гр + 50 гр брашно
- 1 полна лажичка прашок за пециво
- 100 гр шеќер
- 1 ванилин шеќер
- 1 јајце со средна големина
- 1 жолчка од јајце со средна големина
- 75 гр путер
- 2 големи лажици кисела павлака 20% масленост
Повеќе:
- 4 големи лажици вода
- 150 гр шеќер
- 50 гр чоколадо за готвење
- 150 гр мелени ореви
- 100 гр путер
Подготовка:
Во сад просејте 200 гр брашно со прашок за пециво. Додадете путер на собна температура и добро измешајте, а потоа додадете ги двата шеќери и повторно измешајте. Јајцето, жолчката и павлаката се матат кратко со вилушка, па се додаваат во смесата со брашно и се замесува тесто.
Расукајте го тестото, посипете го со преостанатите 50 гр брашно и ставете го во намрсен и набрашнет плех за печење 33×23 см. Избоцкајте го со вилушка и ставете го во загреана рерна на 180 C додека малку да добие боја околу рабовите. Додека се пече тестото, подгответе го премазот.
Водата и шеќерот загрејте ги на шпорет додека не се раствори шеќерот. Нека се вари две минути. Се трга од шпорет и се додаваат оревите, чоколадото и путерот. Мешајте додека не се растопат путерот и чоколадото и масата не стане мазна.
Испечената и уште топла подлога премачкајте ја со подготвената смеса за фил. Изладете и исечете на стапчиња. Најдобро е да ги исечете следниот ден, но штом ќе се изладат можете без проблем да ги исечете.
Пријатно!
