Бразилците обожаваат фини печива со сирење кои ги крстиле како pão de queijo, а она што ги разликува овие лепчиња од се друго е употребата на брашно од тапиока.
Тоа е брашно, всушност повеќе скроб, без глутен, кое се добива од сувиот корен на растението тропска маниока.Овие традиционални бразилски лепчиња обично се јадат за појадок, но можете да ги послужите во секое време, а особено се практични како мини закуски доколку славите за пријателите и сакате да ги послужите со солени деликатеси.
Наводно, Pão de queijo бил направен во 18 век, и оттогаш рецептот се менувал неколку пати, но брашното од тапиока сè уште постои. Исто така, првично не беа со додавање сирење, но со текот на времето овој додаток стана незаменлив дел од рецептот. Можете да користите какво било сирење што сакате, но експертите тврдат дека најдобро одговара поинтензивен вкус како чедар или пармезан.
Потребни состојки:
- 170 гр брашно од тапиока (може да се најде во подобро снабдена продавница за здрава храна)
- 165 мл млеко
- 85 мл екстра девствено маслиново масло
- 70 гр рендано сирење по желба
- 1 големо јајце
- 1 лажичка сол
Подготовка:
Загрејте ја рерната на 200 степени. Калапот за мафини премачкајте го со малку масло.
Во блендер ставете ги сите состојки – брашното од тапиока, млекото, маслото, ренданото сирење, јајцето и солта и измешајте додека не добиете изедначена смеса. Ако немате блендер, користете миксер и сè добро измешајте.
Добиената смеса истурете ја во калапи за мафини, но внимавајте да не се полни до горе, туку во секоја да оставите простор барем по половина сантиметар. Ставете ги во загреана рерна и печете околу 15 до 20 минути додека не добијат убава златно-кафеава боја. Оставете малку да се изладат пред да ги извадите од калапот и да ги послужите.
Пријатно!
