Лебот од пченка лесно се прави и не се чека да нарасне.
Бразилскиот пченкарен леб се подготвува многу едноставно и брзо. Нема квасец и затоа нема чекање тестото да нарасне, веднаш го печете. Толку е мек и сочен што може да се јаде како колач, а поздрав е и од обичниот бел леб. Чувајте го завиткан во памучна крпа, за да може да „дише“, а ќе остане свеж неколку дена.
Состојки:
- 3 јајца
- 450 гр пченкарно брашно
- 200 мл млеко
- 100 мл масло
- 1 лажичка прашок за пециво
- 1 лажичка шеќер
- прстофат сол
Подготовка:
Во блендерот ставете ги јајцата, маслото, пченкарното брашно, солта, прашокот за печиво, шеќерот и на крај прелијте го млекото. Добро измешајте додека не се соединат сите состојки. Ако немате блендер, изматете ги состојките со миксер.
Квадратен калап за печење премачкајте со малку масло, па истурете ја добиената смеса. Загрејте ја рерната на 180 степени и печете околу 40 минути.
Користете го трикот со чепкалка за да проверите дали лебот е целосно испечен. Кога е готов, извадете го од рерна, оставете го да се излади, а потоа чувајте го завиткан во памучна ткаенина или платнена кеса.
Пријатно!