Научете да месите домашни кори.
Состојки:
- 650 грама брашно
- 10 гр квасец
- 1 лажица шеќер
- рамна лажичка сол
- 200 мл млака вода
- 200 мл млако млеко
- 90 мл масло
- 700-800 гр праз
- 150 мл масло
- 50 мл сок од домати
- 1-2 лажички мелен пипер
- 1 лажичка сол
- 200 гр рендано сирење
- 2 жолчки
- малку млеко
- малку масло
Подготовка:
Измешајте брашно (оставете 50 гр. на страна), квасецот, солта, шеќерот и 50-70 мл млака вода и оставете го квасецот да се активира. Додадете 90 мл масло, преостанатата млака вода и млекото. Месете го тестото и покријте го со пластична фолија и крпа. Оставете да отстои.
Во меѓувреме исецкајте го празот. Додадете 150 мл масло и динстајте десет минути. Додадете сок од домати, мелена пиперка и сол, па добро измешајте и оставете уште 7-8 минути да се динста на тивок оган.
Нараснатото тесто замесете го, извадете го од садот, формирајте ролат и исечете го на 5 еднакви делови. Секое парче обликувајте го во топче, па повторно покријте го со фолија за да не се исуши тестото додека ја развивате кората.
Истурете го брашното на работната површина, па едното топче расукајте го во правоаголник со сукало. Одозгора посипете го брашното да не се залепи за сукалото. Кората треба да биде многу тенка.
Врз кората наредете петтина од филот со праз, посипете со една петтина од кашкавалот и внимателно завиткајте ја во ролат. Постапката повторете ја со останатите лепчиња. Наредете ги питите во плех обложен со хартија за печење. Питата премачкајте ја со масло измешано со малку минерална вода, па премачкајте со жолчка измешана со малку млеко и масло.
Печете десет минути на 200 степени, а потоа намалете ја температурата на 170-180 степени уште 20 минути.
Пријатно!