Вкусот ќе ве воодушеви а исто така и изгледот на ова јадење.
Состојки:
- 10-15 палачинки
- 500 гр мелено говедско месо
- 2 чешниња лук
- 2 главици кромид
- 2 лажици маслиново масло
- 0,5 л супа говедска
- 4 дл црвено вино
- 800 гр конзервирани домати исечени на парчиња
- 1 лажица шеќер
- 1 китка магдонос.
Прелив:
- 3 јајца
- 100 гр пармезан
- 1 дл млеко.
Подготовка:
Загрејте го маслиновото масло, додадете го исечканиот кромид и издробениот лук. Кога кромидот малку ќе се испржи, додадете го меленото месо и пропржете.
- Advertisement -
Додадете супа, вино, домат, шеќер, ситно сечкан магдонос и динстајте додека делумно не испари целата течност. Повремено мешајте и зачинете по вкус.
Во огноотпорен сад наредете ред палачинки, ред сос и така додека не се потроши материјалот. Изматете ги јајцата со малку сол, млеко и пармезан, па прелијте ја оваа смеса врз палачинките. Ставете во рерна на 200 степени и печете додека не фати убава крцкава коричка одозгора.
Пријатно!
