Еден од најубавите посни рецепти на кои сме сретнале.
Состојки:
Долниот слој:
- 300 гр мелени бисквити
- 100 гр маргарин
- 100 мл било кој сок
Фил:
- 1 л вода или млеко од соја
- 4 кесички пудинг од ванила
- 10 лажици шеќер
- 250 гр маргарин
- 200 гр шеќер во прав или по вкус
- 200 гр мелени ореви
- 100 – 200 гр посно чоколадо
- 150 гр посен шлаг
- 300 мл газирана вода
Подготовка:
Пудингот и шеќерот измешајте ги со малку ладна вода. Остатокот од водата се става на оган да зоврие. Сварете го пудингот и мешајте додека не се згусне. Се трга од оган, па се додава малку екстракт од ванила по желба. Покријте со кеса или фолија и оставете да се излади.
Додека пудингот се лади направете кора. Во бисквитот се додава растопениот маргарин и сок, убаво се меша бисквитот да биде насекаде влажен. Треба да биде ронлив. Се протресува во калап и се распоредува насекаде, па секаде се тапка со шпатула или чаша.
Кога ќе се олади пудингот (може да биде поцврст еден час во фрижидер) изматете го маргаринот со шеќерот во прав. Додадете го маргаринот во половина од филот со пудинг, а потоа додадете го остатокот и повторно изматете.
Изматете го шлагот со газирана вода, па додадете малку фил и соединете. Потоа додадете ги оревите и ренданото чоколадо и се соединете.
Над кората се става целиот фил, се израмнува и се става во фрижидер да се стегне, па се прави декорација со остатокот од шлагот или се прави веднаш по желба, но колачот мора да стои во калапот додека не се стегне. По ладењето, извадете го обрачот и послужете.
Пријатно!