Највкусната торта од бело чоколадо, со вкус на пржени лешници. Неодоливо и совршено за родендени, и кога сакате да пробате нешто малку поинакво …
Состојки:
За кора:
- 15 белки
- 375 гр шеќер
- 375 гр мелени лешници (може да бидат ореви или бадеми)
За филот:
- 15 жолчки
- 15 лажици шеќер
- 375 гр путер
- 150 гр бело чоколадо
Подготовка:
Гответе ги жолчките со шеќер на пареа, додека да се згуснат. Ова значи дека кога ќе повлечете со лажица на дното на тавата, зад неа останува трага која полека се затвора. Оставете ги зготвените жолчки да се изладат.
Загрејте ја рерната на 200 степени. Премачкајте плех со масло од 26 x 31, ставете хартија за печење и лесно премачкајте ја со масло. Направете 3 кори, секоја од 5 белки, 125 гр шеќер и 125 гр лешници.
Изматете ги белките со малку сол за да станат пенливи, потоа додадете шеќер и мешајте додека не добиете сјајна, мазна и цврста пена. Лесно измешајте ги лешниците со лажица, поместувајќи се одозгора нагоре. Префрлете ја подготвената смеса во подготвениот сад и израмнете. Печете околу 15 до 20 минути. Кората е готова се пече кога се одвојува од рабовите на тавата.
Печената кора превртете ја на хартија за печење и отстранете ја хартијата на која се пече. За следната кора, повторно премачкајте ја истата хартија со малку масло и вратете ја во плехот. Додека се пече првата кора, подгответе ја смесата за втората, а истото повторете го и за третата кора. За печење на третата кора, превртете ја истата хартија и премачкајте ја повторно со малку масло.
Кога убаво ќе се оладат жолчките, изматете го путерот и соединете со нив, а чоколадото растопете го посебно на пареа без никакви адитиви и соединете се. Премачкајте ги корите по ред, првин кора па фил и на крај целата торта со истиот фил, декорирајте по желба.
Пријатно!
