Нема подобар начин да се засладите во зимските денови. Погледнете го рецептот за бела розен торта.
Состојки:
- 1 пакување розен кори
- 1,2 литри млеко
- 4 пудинга со вкус на слатка павлака 160гр
- 8 лажици шеќер
- 100 гр бело, млечно чоколадо
- 250 гр путер
- 200 гр млеко во прав
- 200 мл слатка павлака
Подготовка:
Пудингот и шеќерот измешајте ги со малку ладно млеко, а остатокот од млекото ставете го на средна температура да зоврие.
Кога млекото ќе зоврие, сварете го пудингот и мешајте додека не се згусне.
Се трга од оган, се додава чоколадото и се меша додека не се растопи.
Покријте го со фолија одозгора пудингот и оставете да се излади на собна температура.
Изматете го путерот со млекото во прав.
Изматете го со миксер и изладениот готов пудинг и оставете да омекне.
Во смесата со путерот постепено додадете го пудинг, со непрекинато мешање. Треба да добиете кремаста хомогена смеса.
На крај изматете ја слатката павлака, но да не биде многу тврда, оставете ја помека, додадете ја во филот и сè заедно соединете.
Филувајте ги корите како што обично правите и на крај горната кора не ја премачкувајте со фил, туку лесно налегнете ја со даска за сечење месо и ставете некоја тежина одозгора.
Оставете ја тортата да отстои во фрижидер барем неколку часа, за да омекнат корите.
Украсете одозгора со остатокот фил и со бело млечно чоколадо, а околу може да додадете шлаг по желба.
Пријатно јадење!
