Одлична идеја за ручек, бидејќи нема човек кој не сака сланина, компири и батаци.
Соберете го семејството на маса и послужете го сочното пилешко во крем сос со компири и сланина. Можете да послужите ручек кој ќе им се допадне на сите со салата. Предноста на ова јадење е што ќе извалкате само еден сад, така што нема да има многу садови за миење.
Состојки:
- 200 гр сланина
- 6 батаци
- 500 гр компири
- 50 гр путер
- 2 главици кромид
- 4 чешниња лук
- 200 мл павлака за готвење
- 200 мл вода
- 1 лажичка мајчина душица
- 1 лажица сенф
Подготовка:
Исечете ја сланината и пропржете ја, па извадете ја од тавата. Потоа додадете му путер, а кога ќе се растопи пропржете ги батаците. Извадете го месото, а во истата тава пропржете го исечканиот кромид. На крај додадете го исечканиот лук и оставете уште минута.
Во кромидот додадете крупно исечкани компири и пржете 8 минути. Потоа додадете сол, бибер и мајчина душица. Додадете вода, павлака, сенф и сланина, па промешајте. Додадете го месото, па покријте и варете уште 15-20 минути. На крај ставете го јадењето во печка да се запече, на 200 степени околу 25 минути.
Пријатно!