Пробајте го рецептот за оваа прекрасна торта со кокос и гриз.
Доколку сакате колачи со шеќерен сируп, како баклава, тулумби, кадаиф, тогаш мора да го пробате овој десерт. БАСБУСА е традиционална торта од Блискиот Исток направена од гриз и кокос. Послужете го со кафе или чај.
Не ви треба многу време за овој колач, само соединете ги состојките и печете. Уживајте во викендот и почестете се себеси и вашето семејство со феноменална слатка после ручекот.
Состојки:
- 320 гр гриз
- 1/2 чаша путер
- 1 лажица мед
- 120 гр шеќер
- 100 мл јогурт
- 6 гр прашок за пециво
- 50 гр кокос
- 1/2 лажица таан
За сируп:
- 1 шолја шеќер
- 1 шолја вода
- 1 лажичка сок од лимон
- 2 лажици мед
- 1/2 лажичка екстракт од ванила
За декорација:
- бадеми
Подготовка:
Измешајте ги гризот, прашокот за пециво, шеќерот и кокосот и убаво измешајте. Растопете го путерот, па додадете го медот и оставете уште малку на шпоретот. Измешајте ги медот и путерот со другите состојки, па додадете го јогуртот.
Се добро соединете. Калапот со дијаметар од 30 см премачкајте го со таан и путер, па истурете ја смесата. Одозгора ставете бадеми. Печете на 200 ° C околу 30 минути.
Во меѓувреме направете сируп. Сите состојки за сирупот измешајте ги во шерпата и оставете да зоврие. Потоа намалете ја топлината и варете уште 10 минути. Колачот прелијте го со сирупот, па вратете го во исклучената рерна уште 5-10 минути.
Пријатно!