Невообичаен и интересен десерт, состојките ги имате дома, направете нешто различно.
Состојки:
- 8 парчиња готови кори
- 250 гр локум
- 70 гр брашно
- 30 гр шеќер
- 2 лажичиња прашок за пециво
- 125 гр путер
- 2 јајца
Прелив:
- 300 гр шеќер
- 400 мл вода
- 1/2 лимон
Подготовка:
Измешајте го брашното со шеќерот и прашокот за пециво. Додадете половина од претходно стопениот путер и јајцата. Измешајте многу добро.
Со смесата премачкајте кора, на едниот крај наредете парчиња локум, со рацете обликувајте ја кората во ролна, и потоа исечете на три дела. Добро притиснете ги рабовите. Така обликувајте ги сите 8 кори. Наредете ги во намастен плех.
Истурете го преостанатото масло и печете на 180 степени додека не поруменат – 20-25 минути. Потоа изладете ги.
Од шеќер и вода на средна топлина подгответе шербет. Тргнете го од оган и зачинете го со сок од лимон.
Сега истурете го топлиот сируп врз изладената баница. Оставете така да отстои преку ноќ за да се впие шербетот.
Добар апетит!