Ајле, меко турско слатко на кое никој нема да може да одолее, се подготвува многу брзо и лесно.
Турските колачи одлично се комбинираат со домашното кафе, па доколку сакате мир и одмор, задолжително подгответе вакво уживање.
Состојки:
- 3 јајца
- 1/2 чаша шеќер
- 180 мл кисело млеко
- 50 мл масло
- брашно 1 чаша (наместо брашно може да се користи гриз)
- прашок за пециво 12 гр
- 1 лажица какао
- 10 парчиња кори за пита
- путер за подмачкување
Сируп:
- 2 чаши шеќер
- 2 чаши вода
- сок од еден лимон
Подготовка:
Корите за пита наредете ги во тавче како хармоника, наберени една до друга. Направете го филот така што се измешајте заедно јајца, шеќер, кисело млеко, масло, брашно и прашок за пециво и какао. Сварете го сирупот/шербетот и оставете да се излади.
Печете ги корите во рерна 10 минути на 200 степени целзиусови. Потоа, истурете го филот врз печените кори. Печете го колачот на 180 степени Целзиусови околу 30 минути.
Топлиот колач прелијте го со ладниот шербет. Оставете го колачот да го впие шербетот, па ставете го во фрижидер. Послужете со домашно турско кафе.
Пријатно!
