Пастирската пита (Shepherd’s pie) е третото најпознато јадење во Англија, омилено кај сите генерации.
Количина на состојки:
- 300 гр. мелено месо
- 300 гр. компир
- 1 морков
- 1 кромид
- 20 гр. путер
- 1 лажица доматно пире
- 1 лажица масло брашно
- 50 гр. грашок
- 30 мл. масло
- 1 коцка за супа
- 200 гр. сирење
- 30мл. млеко
- 1 лажица сос од Вустершир
- сол по вкус
- црн бибер по вкус
- мајчина душица по вкус
- рузмарин по вкус
- рендан кашкавал по желба
Начин на подготовка:
Истовремено се подготвува пирето од компири и смесата од месо.
За подготовка на пирето од компири, ставете компирите да се готват во ладна, солена вода. Откако ќе се свари прецедете, додадете путер, бибер, млеко и добро измешајте.
За подготовка на смесата од месо, на масло пропржете го ситно исецканиот кромид и додадете рендан морков. Пржете малку а потоа додадете го и меленото месо. Динстајте со повремено мешање се додека месото не порумени.
Распоредете го месото по краевите, па ставете една лажица концентрат од домати на дното од тавата и пржете кратко.
Додадете брашно, промешајте и зачинете со сос од Вустершир, сол и бибер. Потоа залијте со топла супа или вода со 1 коцка супа од говедско месо. Додадете грашок, магдонос, мајчина душица и рузмарин и варете половина час на тивок оган, со постојано мешање.
Истурете ја подготвената смеса во огноотпорен сад и израмнете одозгоре. Ставете го пирето од компири и израмнете го. Посипете со рендан кашкавал.
Печете во загреана рерна на 200°C околу 30 минути.
Пријатен апетит!