Кремаста, печена карбонара се подготвува без премногу компликации, а единствено треба да внимавате да не ги преварите тестенините.
Состојки:
- 5 лажици путер
- 4 лажици брашно
- 2 чаши млеко
- 2 чаши рендан пармезан + за посипување
- 2 големи јајца
- 150 гр сланина
- 220 гр тестенини
- сол и црн пипер
Подготовка:
Исечете ја сланината на парчиња и пржете ја во тава додека не стане крцкава, па извадете ја на хартија. Гответе ги тестенините, но не ги варете премногу. Нека останат само малку потврди . Загрејте ја рерната на 185 степени Целзиусови.
Ставете го путерот во тава и кога ќе се стопи додадете го брашното и измешајте 2 до 3 минути, а потоа додадете го млекото мешајќи да не се формираат грутки. Кога ќе се згусне, додадете сол и бибер, потоа тргнете го од оган и постепено мешајте го во него пармезанот додека не добиете мазен сос.
Истурете го сосот врз тестенините и промешајте. Оставете ја смесата да се излади, околу 10 минути. Промешајте јајца, парчиња сланина и зачинете со сол и црн пипер. Истурете ја смесата во сад за печење и посипете со повеќе пармезан и преостаната сланина.
Печете ја смесата 20 до 25 минути или додека смесата не стане густа, кремаста и малку кафеава одозгора. Извадете ја тавата од рерна и почекајте 10-тина минути пред да ја послужите.
Добар апетит!
